Roma, VI , n. 103, 11-24 Mars 2004

Giovanni Armillotta
SHTREMBËRIMI I EMRIT MYRTAJ

Nuk mund të mos mbledh buzët sa herë dëgjoj shqiptimin e emrit të futbolllstit shqiptar Myrtaj=“mirtài”, njësoj sikur “y” dhe “j” të ishin dy gërma njësoj, madje të mos ishin as të dyja “y” e as “j”, por të ishin një e tretë: “i”.
Nuk është e nëvojshme të jesh Ainshtain për të marrë vesh që nëse dy gërma janë të ndryshme, të ndryshëm duhet të kenë edhe tingullin. Për sa kohë të ishin vetëm djemtë apo pleqtë, shtëpiaket, njerëzit e thjeshtë, që të thonin “mirtài”, nuk do të nxehesha. Por me ngrihen vërtet nervat kur dëgjoj të shtrembëruar mbiemrin e Florianit nga njerëz të mbipaguar, super të privilegjuar, gazetarë nababë të RAI-t; e irritohem edhe më shumë sepse shtëpia botuese ERl-RAI e Torinos, ka botuar, që ne vitin 1969 (dhe ribotuar në 1983) Fjalorin e drejtshkrimit dhe shqiptimit (DOP, Dizionario d’ortografia e di pronunzia), hartuar nga Prof. Bruno Migljorini, Carlo Tagliavini dhe Piero Fiorelli.
Do të ishte mirë sikur këta gazetarë të shpenzojnë një pjesë fare të vogël të të ardhurave të tyre përrallore për të blerë fjalorin e lartpërmendur. Nuk pretendoj që ata të mësojnë gjuhët e huaja, por të paktën të mos shqiptojnë anglishten e frëngjishten si të ishin italisht, gjuhët e tjera si të ishin anglisht e frëngjisht, dhe te shtrembërojnë italishten në dialektet e tyre lokale.
Në DOP gjenden shqiptimet e të gjitha idiomave, kështu që flitet për të studiuar aq sa për të mos bërë figurë të keqe, tipike e atyre që nuk respektojnë as telespektatorët, as shtetasit e huaj e së fundi as veten. l këshilloj RAl-t t’ua japë falas gazetarëve të vet fjalorin në fjalë, por me kusht që ta studiojnë e të japin një provim publik; që të paktën provimet të jenë publike, pasi unë nuk e di sesi vepron RAI (shërbim publik) për të shpallur konkurse dhe për të punësuar punonjësit e tij.
Nuk është rastësi që më 24 shkurt, në oren 19.50 në Radio DUE, një nga të mbipaguarit e lartpërmendur tha që Besiktas Stamboll është një skuadër greke: unë qe jam tifoz i futbollit shqiptar e turk, do të kisha dashur t’i thoja: turp të kesh!
Por i rashë në të se për të ditur që Besiktas është skuadër turke nuk duhet të jesh patjeter turk apo tifoz i ndonjë skuadre turke. Nëse, kur isha nxënës në shkollën fillore, do t’i kisha thënë mësueses se Stambolli ishte qytet i Greqisë, do të më kish mbetur në klasë të tretë dhjetë herë, dhe sot nuk do të shkruaja për këtë në “Bota Shqiptare”. Aq më teper që Stambolli nuk është as kryeqytet i Turqisë.

Index

© Giovanni Armillotta, 2004