GIOVANNI ARMILLOTTA ON LINE PËR SHQIPTARËT

ALBANIAN VOLLEY IN INTERNATIONAL FIELD

ELA TASE

Kryeredaktor: Roland Sejko, Roma, Viti IV, N. 70, 3-16 Tetor 2002

Ela Tase: Portreti i një mjeshtreje
ndër volejbollistet më të mira të viteve ’80

Nga Giovanni Armillotta

Ela Tase ka qenë një prej volejbollisteve më të mëdha evropiane të viteve ’80, edhe pse nisi të tërhiqte vëmendjen ndërkombëtare që nga vjeshta e 1978, gjatë një çerekfinaleje të bujshme të Kupës së Kampioneve. Shorti kish vendosur përballë Dinamos së Tiranës skuadrën çeke të Sllavia Bratisllavës, që dy vjet më parë kish fituar Kupën e Kupave (sot Top Teams Cup). Shqiptaret kryesuan 3-1 në Karpate, por në Tiranë, kur kalimi në gjysmëfinale dukej i sigurt, Sllavia hakmerret për humbjen në shtëpi dhe kalon turin vetëm me një pikë diferencë: 101-102. Në të dy takimet spikati mbi të gjitha vajzat Ela Tase, që, që në Spartakiadën e Tretë të 1974, vetëm 15 vjeç, zuri vendin e dytë së bashku me skuadrën e saj Dinamon, duke humbur me 17 Nëntorin e Tiranës (1-3).
Në 1979 Ela Tase shpallet volejbollistja më e mirë e Ballkanit dhe fiton me Kombëtaren shqiptare Medaljen e Bronxit në Kampionatin Ballkanik të Bukureshtit (titullin si më e mira në Ballkan e rimerr në 1986, dhe në 1988, në moshën “e nderuar” 29 vjeçare!). 1980 inagurohet me finalen e parë të Dinamos së femrave në një manifestim evropian: pasi eliminojnë skuadrën e Gjermanisë Federale të Shvertes (1-3, dhe 0-3 në Tiranë) dhe favoriten italiane të 2000Uno Barit (3-1, dhe 0-3 në Tiranë), shqiptaret e drejtuara nga Ela Tase mbërrijnë në finalen çeke të Jiçinit. Pas një humbjeje me zonjat e shtëpisë të Rúda Hvezda Bratisllavës (që fituan kupën), mundën me rezultat të pastër (3-0) Nimse Budapestin (Kampione e Europës në 1972-73). Vetëm një humbje e papritur kundër turkeve të Eczacibasi-t të Stambollit e privon Dinamon nga vendi i dyti apo i tretë: për diferencë pikësh rezultojnë të dytat, të tretat dhe të katërtat për barazim në klasifikim dhe diferencë setesh (4 pikë dhe sete 3-6).
Në gjysmën e parë të viteve ’80. Ela Tase fiton Medaljen e Bronxit në Kampionatin Ballkanik në Athinë (1980) dhe është gjysmefinaliste në Kupën e Kampioneve të 1980-81 dhe 1982-83. Martesa, në 1983, dhe sidomos Iindja e fëmijës, e shtrëngon të ndahet për 15 muaj nga stërvitja. Por trajneri i klubit tiranas, Kreshnik Tartari (lojtar finalist me Dinamon në Kupën e Kampioneve përmeshkujt, 1971-72), e bind të vazhdojë të luajë (ishte hera e dytë, pas një traume në këmbë në 1980).
Ç’mbeti nga vitet ’80 u mbush me kënaqësi të mëdha: përveç titujve ballkanikë, dhe Medaljes së Bronxit dhe Argjendit, respektivisht në Kampionatin Ballkanik të Artës (Greqi, 1986) dhe Tiranë (1988). Tase e drejton Dinamon në finalen e Kupës së Kupave (1986-87) duke i nxjerrë nga radha qipriotet e Olympiakos-it Nikosia (0-3 dhe 0-3), zviceranet e Uni-t të Lozanës (3-0 dhe 3-0) dhe jugosllavet e Mladost Zagabrias (0-3 dhe 1-3 në Tiranë). Porse Federata shqiptare heq dorë nga finalja për të mos u ndeshur me sovjetiket e Kommunalnik Minskut. Gjithmonë në 1987, Ela Tase quhej frymëzuesja e vërtetë e Medaljes së Artë shqiptare në Lojërat e X të Mesdheut të Latakias, duke triumfuar në të gjitha ndeshjet: Shqipëri-Itali 3-1, Shqipëri-Turqi 3-0, Shqipëri-Greqi 3-0 dhe Shqipëri-Siri 3-0.
Mbërrijnë vitet ’90. Ela Tase i kalon të tridhjetat, por jo vetëm e mban veten në formë, por shton edhe triumfet. Dhjetë vjet pas, Dinamo kthehet nëfinale në Kupën e Kampioneve të 1989-90, duke eliminuar polaket e Stal Bielsko-Bialas (1-3 dhe 2-3 në Tiranë), gjermano-lindoret e Dynamo-s së Berlinit (3-1 dhe 0-3 në Tiranë) dhe rumunet e Dinamo-s së Bukureshtit (3-1 dhe 1-3 në Tiranë, pika: 92-98). Në finalën e Ravenës, Ela Tase dhe Dinamo sjellin Medaljen e parë shqiptare në një garë volejbollistesh mes klubeve. duke u renditur të tretat falë fitores ndaj francezeve të Racing Parisit (3-1), pas kampioneve sovjetike lë Uralochka Sverdllovskit dhe italianeve të Teodora-s së Ravenës. Sërish në 1990, kapitenia e udhëheq Shqipërinë drej triumfit ne Kampionatin Ballkanik të Praveçit (Bullgari): Shqipëri-Jugosllavi 3-0, Shqipëri-Bullgari 3-0, Shqipëri-Rumani 3-0, Shqipëri-Greqi 3-0, Shqipëri-Turqi 3-0. Një Medalje e Artë e fituar për herë të parë duke u shquar në të gjitha kuptimet.
Por nuk mbaron me 1990! Një vit më pas Ela Tase, me Shqipërinë. është gjysmëfinaliste në Lojërat e XI të Mesdheut në Athinë, dhe – ç'është më e rëndësishme – pas kualifikimit historik në ndeshjet eliminatore të Salisburgut, del për herë të parë në fazën finale të Ravenës në Kampionatin e XVII Europian për Kombëtaren e femrave.
Ela Tase është një simbol, jo vetëm i volejbollit shqiptar dhe evropian, por e sportit në pergjithësi: kafituar 15 tituj në Shqipëri, 13 Kupa Republike dhe 3 Spartakiada, pa llogaritur trofetë e panumërta ndërkombëtare per përfaqësueset dhe klubet. Sot, zonja Ela Tase është zv. Presidente e Komitetit Olimpik Kombëtar Shqiptar (KOKSh) dhe Presidente e Komisionit Femrat dhe Sporti.

* * *

Ela Tase – 15 National Championships, 13 Republic Cups, 3 National Spartakiadas – one of the greatest volley-players of Europe in 80’

List of Honours

1979 Best Balkan Volley-Player and Bronze Medal to Balkan Championships

1979-80 Finalist with Dinamo Tiranë to European Champion Clubs’ Cup

1980 Bronze Medal to Balkan Championships

1980-81 Semifinalist with Dinamo Tiranë to European Champion Clubs’ Cup

1982-83 Semifinalist with Dinamo Tiranë to European Champion Clubs’ Cup

1986 Best Balkan Volley-Player and Bronze Medal to Balkan Championships

1986-87 Qualified with Dinamo Tiranë to the final of European Cup Winners’ Cup

1987 Golden Medal of X Mediterranean Games

1988 Best Balkan Volley-Player and Silver Medal to Balkan Championships

1989-90 Finalist with Dinamo Tiranë to European Champion Clubs’ Cup

1990 Golden Medal to Balkan Championships

1991 Semifinalist of XI Mediterranean Games. Finalist to the Final Tournament of XVII European Championships

and a lot of Golden and Silver Medals in International Tournaments for National Representatives and Clubs

Index